A capela lunar

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pintafontes

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría esta foto sería imposible. Ou, cando menos, sería máis complicada de atopar. Observando á Lúa saíndo o día anterior preto do cumio do monte, o autor decidiu calcular onde debería ubicarse o día 5 de xuño, lúa chea, para que o noso satélite enmarcase a capela do curuto. Todos os cálculos e explicacións do autor na súa conta de Twitter ou xa listos para degustar nunha web.

O lugar resultou estar a 4 400 metros de distancia, onda o muíño de mareas das Salinas de Ulló en Vilaboa (Pontevedra). A Lúa chea, última da primavera deste ano, enmarca así o cumio do monte da Peneda (Redondela, Pontevedra) coa súa capela da Virxe das Neves. Un lugar con moitas vistas e moita historia que aquí é visto desde a outra beira da enseada de Rande, outro lugar con moita historia

A cor da Lúa, alaranxada, débese á refracción das capas inferiores da atmosfera, bastante típico tras días de calor. Permite distinguir perfectamente o mare Crisium, case circular, na parte superior, cos maria Tranquilitatis, Serenitatis e Fecunditatis bordeando o perfil do castiñeiro e o campanario.

Empregouse unha cámara Nikon D7200 cun obxectivo Sigma 100-400mm, ISO 400 e velocidade 1/50. Unha única toma, recortada da orixinal e procesada moi lixeiramente para mellorar contraste e luminosidade.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Un estoupido no ceo

Imaxina. Andas de caza dun bisonte coa tribo. De súpeto, no ceo aparece unha luz brillante. Non tanto coma o Sol, pero ben visible. Antes non estaba. Volves ao castro coa partida de caza, arrepiado. Comentas co chamán. Inexplicable.

A conxunción do ano

Saturno e Xúpiter. Maila Lúa, coa súa luz cincenta. E algo de contaminación luminosa. E o luar. E moito máis: unha conxunción. Dobre ou tripla.

Nin neve nin xeada

E, de súpeto, todo conxela ao teu redor. Fenómeno estraño que parece unha xeada pero non é. Fenómeno raro pois parece nevarada pero tampouco. Fenómeno

Procura

Subscríbete!

Calendario Ceos Galegos 2021