Adeus cometa, ola concurso

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Ángel D. R. Arós

Os cometas son bólas de xeo suxo. Xeo de auga. Proveñen dos arrabaldes do Sistema Solar. Alí onde a formación planetaria deixou os seus refugallos. Alí onde o Sol ten o tamaño de calquera outra estrela do ceo. Alí onde non hai máis luz ou calor que no espazo exterior.

A Terra é auga. A superficie planetaria está ocupada nas tres cuartas partes por auga en estado líquido. A súa orixe é obxecto de investigación en varios campos da ciencia. A fin de contas, é o único planeta rochoso do seu sistema que ten auga líquida. É o único planeta que coñezan os humanos que ten auga líquida, ata o de agora. É o único planeta que se sabe que ten vida, que unha parte desta vida é consciente, e que a vida precisa desa auga para existir.

Terían algo que ver os cometas coa existencia da auga nese planeta? Das análises físico-químicas realizadas en varios cometas habituais que nos visitan todo apunta a un gran aporte de auga de orixe cometaria. Na formación inicial da Terra houbo un intenso periodo de bombardeo doutros obxectos (asteroides, cometas…) que puideron dar lugar á formación das grandes masas de auga que, co tempo, formarían os actuais océanos.

Na imaxe o cometa NEOWISE reflíctese na lagoa das Tablillas (A Veiga, Ourense). As quedas augas déixanse acariñar pola contemplación do visitante do extrarradio do sistema solar, alleas a que a súa orixe primixenia tivo lugar, en gran parte, en familiares dese cometa.Xa non podedes gozar da imaxe do cometa NEOWISE no ceo. Pero si que podedes gozar das imaxes de lembranza que nos deixou durante a súa visita. Para a vosa facilidade, agrupámolas en cinco categorías temáticas: cometa con paisaxe natural, cometa con paisaxe urbana, cometa con patrimonio, cometa no ceo (con telescopio) e imaxes creativas/didácticas do cometa. E podedes votar cales son as vosas favoritas; queremos darlle un premio ás mellores pero resulta tarefa moi complexa. Por suposto, todos os votantes entraredes no sorteo de varios lotes de produtos, grazas ao patrocinio de Alvarellos Editora. Os lotes teñen todos un exemplar de “A que altura está o ceo?” de Jorge Mira, e o autor adicará de xeito personalizado cada un dos exemplares.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Un estoupido no ceo

Imaxina. Andas de caza dun bisonte coa tribo. De súpeto, no ceo aparece unha luz brillante. Non tanto coma o Sol, pero ben visible. Antes non estaba. Volves ao castro coa partida de caza, arrepiado. Comentas co chamán. Inexplicable.

A conxunción do ano

Saturno e Xúpiter. Maila Lúa, coa súa luz cincenta. E algo de contaminación luminosa. E o luar. E moito máis: unha conxunción. Dobre ou tripla.

Nin neve nin xeada

E, de súpeto, todo conxela ao teu redor. Fenómeno estraño que parece unha xeada pero non é. Fenómeno raro pois parece nevarada pero tampouco. Fenómeno

Procura

Subscríbete!

Calendario Ceos Galegos 2021