Aínda máis branco

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Roberto Rodríguez

Un fondo branco. Un arco branco, sobre fondo branco. Un arcoíris branco, ou un arco-non-iris. Tan grande ou máis ca un arco da vella. Máis groso ca un arco da vella. Menos cores ca un arco da vella. De feito, non ten cor ningunha. É un arco da vella branco.

E, precisamente, necesita de todo iso: un fondo branco formado pola brétema e unhas brillantes raiolas de sol por tras nosa. Por iso é máis doado nas brétemas mariñas, como o que publicamos no seu momento. Ou nas montañas, coma este dos Ancares.

Se algún día andas polo bordo superior da néboa mira onde o sol rache ao través da bruma. Ten que ser ao lado contrario do sol e a un ángulo de 35-40º da túa sombra, que marca o punto antisolar. Ás veces aparece con moi pouco contraste pero unha vez que o detectas xa non o perdes. A explicación é a mesma que para os arcos da vella; a reflexión da luz no interior das pingas de auga que emerxe para formar un gran círculo á beira contraria do sol. Pero neste caso as pingas da brétema son moito máis pequenas que as da choiva polo que refractan a luz de xeito máis amplo. A cor aparece branca porque a amplitude da refracción de cada unha das cores do arco da vella solápanse uns con outros, producindo a súa mistura esa cor branca. Ás veces, nos bordos aprézase un ton avermellado por fóra e azulado por dentro, alí onde as cores da luz non se solapan tan perfectamente.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

1 comentario en “Aínda máis branco”

Os comentarios están pechados.