Nin neve nin xeada

E, de súpeto, todo conxela ao teu redor. Fenómeno estraño que parece unha xeada pero non é. Fenómeno raro pois parece nevarada pero tampouco. Fenómeno pouco frecuente que nin sequera se dá todos os invernos.

Unha mañanciña fría saes da casa, a herba segue verde porque non xeou. Ás árbores están brancas pero non nevou. Probablemente estás diante do fenómeno do sincelo ou carouxo, termos que adoptamos a falta doutro mellor. Ese día deuse unha baixada de temperaturas súpeta entre -8 ºC e os -2 ºC que conxelou a humidade ambiental ao entrar en contacto cunha superficie, como as follas das árbores. De acompañar algo de aire resulta na aparición e cristais xeados a modo de pentes nas follas e nas polas, na dirección do vento. Ás veces poden chegar a varios centímetros de lonxitude. Por contra, non adoita aparecer a capa branca do chan que caracteriza ás xeadas e os ceos están sen nubes, a diferenza das nevaradas.

A imaxe corresponde a primeiros de mes en Meamán (Baños de Molgas, Ourense), no val de Maceda, tirada cun teléfono móbil pola autora.

Poderías gostar de...

Auroras boreales galegas

Décadas agardando contemplar desde o país este fenómeno extraordinario remataron nas noites do 10 e o 11 de maio. Unha gran actividade solar xerou unha

Unha eclipse NON total de Sol

Foi por pouco, pero a eclipse non chegaba onda nós. Uns minutos despois do momento no que comezaba a Lúa a se meter na nosa

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Procura

Subscríbete!

Ceos Galegos 2024