A conxunción do ano

Saturno e Xúpiter. Maila Lúa, coa súa luz cincenta. E algo de contaminación luminosa. E o luar. E moito máis: unha conxunción. Dobre ou tripla.

Abaixo destaca a Lúa en fase de cuarto crecente. Máis arriba, Xúpiter e Saturno, o menos brillante. Estamos na víspora do seu grande achegamento do mes de decembro de 2020, cando os dous planetas non se daban afastado a simple vista do pretiño que estaban. Agora, tras varios anos nos que Xúpiter se movía no ceo achegándose a Saturno desde a perspectiva que temos na Terra, estivo a facerlle as beiras durante varias semanas e agora toda o afastamento. Pasarán outros 19 anos ata que coincidan no noso ceo. Débesa á diferenza entre os seus periodos orbitais na súa traslación ao redor do Sol, 12 e 29 anos respectivamente.

Unha conxunción astronómica defínese cando dous ou máis astros comparten a mesma lonxitude celeste, unha das coordenadas no sistema celeste. Para entendernos, cando están na mesma vertical. As máis habituais son as conxuncións de planetas e/ou Lúa. Como se moven máis ou menos no mesmo plano do Sistema Solar, o plano da eclíptica, nas conxuncións aparecen moi xuntos no ceo. Amosan un espectáculo fermoso a ollo nu; sen máis consecuencias pois non deixa de ser un asunto de perspectiva.A imaxe foi tirada o pasado 19 de dcembro desde cabo Estai (Vigo). Ao fondo está o Monteferro (Baiona) e, á dereita, asoma a illa Estela de Fóra (Nigrán, Pontevedra). O autor empregou a súa Canon EOS 60D con 28 mm a f4, sensibilidade 3200 e un total de 3,2 s de exposición.

Lembra que xa podes enviar as túas imaxes para o concurso Ceos Galegos 2020; ata o 28 de febreiro.

Poderías gostar de...

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Oito minutos de meteoro

Iso foi o que captou o noso colaborador. Na choiva de meteoros das xemínidas destes días pasaron oitos minutos entre a primeira imaxe e a

Un billón de estrelas

En realidade, nesta imaxe hai moitas máis. Ese é o número de estrelas estimado para a galaxia de Andrómeda, que enche a foto. A veciña

Procura

Subscríbete!

Ceos Galegos 2024