Concurso Ceos Galegos 2020: resultados votación popular

1. Jose PS coa imaxe titulada “O rei do inverno”. A nebulosa de Orión, a rexión de nacemento estelar máis achegada á Terra e na constelación do mesmo nome, nunha composición a partires de varias imaxes tiradas desde o xardín da casa do autor.

3. Iago F.G.: as pernas de Orión. Unha panorámica da parte baixa desta constelación tipicamente invernal. As tres estrelas aliñadas en vertical no centor forman o cinto de Orión. Tamén aparecen as zonas denominadas cabeza de Cabalo, a Chama, a propia nebulosa de Orión maila nebulosidade entre elas. Tirada nos ceos de verán desde San Caetano (Santiago de Compostela).

1. Daniel Llamas Gómez: Fogar Ancestral. A Casola do Foxo (Muíños, Ourense) prestouse a esta composición coa complicación de ter que poñer a cámara case no chan. A panorámica está formada por 10 fotos verticais en 2 fileiras. No ceo aparece toda a familia do 19 de xullo de 2020: o cometa NEOWISE, Andrómeda, Saturno, Xúpiter, o centro galáctico…

3. Enrique García: Mar de Nubes. Desde o miradoiro de Monte Muralla (Rianxo e Lousame, A Coruña), por riba do mar de nubes alumeado pola Lúa albíscanse as constelacións do Arqueito e o Escorpión. E, como non, Saturno e Xúpiter. Unha imaxe que este ano supúxolle ao autor ser a portada de #CeosGalegos2021.

1. Angelaros: e o seu traballo “lemniscata do país”. Unha obra de pacienca, pois recolle un resumo de imaxes da posición do Sol ao longo de todo un ano. Permite aprezar como a altura da estrela varía en función das estacións e as diferencias entre o tempo oficial e o tempo solar. A imaxe foi publicada (e explicada) no noso proxecto o pasado mes de xaneiro.

3. Iago F.G.: Andrómeda Psicotrópica. Un pequeno erro no aliñamento á hora de realizar unha toma da galaxia veciña á nosa provoca este efecto de psicotropía, que lle confire á imaxe o seu aquel. Tirada o 16 de xullo desde a parroquia de Fecha (Santiago de Compostela).

1. Miguel Sánchez Varela: Saturno. Fantástica toma do planeta dos aneis que permite albiscar estruturas da súa atmosfera, así como a división de Cassini no sistema de aneis. Elaborada a partires dun vídeo de 200 s, escolmando o 20% dos fotogramas. A imaxe foi publicada no noso proxecto no mes de xullo.

3. Igor Piñeiro: Cráter Tycho e Mare Nubium. Dende Soutomaior (Pontevedra), o 3 de maio de 2020 cun telescopio Dobson obtívose esta imaxe dun dos cráteres máis rechamangueiros da Lúa, polo material exectado que crea esa sensación de raiolas que apuntan ao interior.

1. Belén Guitián: Mar de Ardora. Fotografía realizada en Carnota (A Coruña) dun dos fenómenos máis significativos do verán de 2020, o mar de Ardora nas augas do océano, combinado coas luces das estrelas do ceo.

2. (Ex aequo) Jose PS: noie estrelada con Venus. Unha noite na praia de Nerga (Cangas, Pontevedra), nunha panorámica de catro fotos verticais nas que aparece Venus e as estrelas entre as nubes.

1. Eduardo Rivera: catedral de Santiago entre a bruma. Desde o monte do Pedroso (Santiago de Compostela), agardando a que a creacións das brétemas permitiran ver os cumios do Pico Sacro e das torres da catedral. A foto tirouse o 3 de xaneiro deste ano.

2. (Ex aequo) Jose PS: o raio verde. Un estraño fenómeno que se pode dar no solpor e máis raramente no amencer. A situación do noso páis con gran parte da costa mirando ao oeste é favorable para que se deas as condicións que propician a aparición deste fenómeno óptico. Somos o país do raio verde.