Ceos Galegos20: premios do xurado “Sistema Solar”

Primeiro Premio

Saturno de Miguel Sánchez, unha imaxe do planeta dos aneis que permite ollar o bandeado da superficie con bastante claridade, a inclinación dos aneis e a división de Cassini. Como menciona outro membro do xurado: “en tempos das exposicións de milleiros de segundos e o seguimento automático, a fotografía planetaria segue a ser un reto ao alcance só duns poucos. (…) A dificultade engadida da pouca altura do planeta desde a nosa latitude neste ano”, o que aumenta a turbulencia atmosférica. A imaxe xa aparecera publicada no noso blogue no mes de xullo de 2020, tirada desde as terras do queixo.

O autor realizou un vídeo de 200 s do que escolmou o 20 % dos fotogramas para amorealos nunha soa imaxe, acadando así o detalle que se amosa.

O autor recibiu un lote de regalos: un queixo grande da Denominación de Orixe Arzúa-Ulloa, un lote de libros de Urco Editora, unha lámina fermosa de Librerías Punto e Coma, un lote de libros do Consello da Cultura Galega, unhas fermosas postais históricas de Alvarellos Editora e un fermoso “Unha noite no tren da Vía Láctea” de  Aira Editorial. Ademais, un premio económica grazas ás entidades patrocinadoras: Divulgacción, Clube Vega, Asociación Astronómica Sirio de Pontevedra, AstroVigo, Agrupación Astronómica Coruñesa Ío, Agrupación Astronómica Rías Baixas

Segundo Premio

“Cometa Neowise e Venus ao mencer” de Óscar Blanco Varela. Dentro da cantidade de imaxes de gran calidade que o cometa nos ofreceu no mes de xullo, sempre hai que buscar algo máis. Conseguiuno o autor cunha imaxe do “cometa, Venus transitando polas Híades, conseguindo que sexan visibles a pesar do intenso brillo do planeta”. Ten a escena “un equilibrio entre a iluminación da paisaxe e o ceo, que transmite un evocador realismo non contraposto coa espectacularidade. Os ceos despexados e escuros de pena Trevinca (A Veiga, Ourense), contribuíron pola súa parte.

O autor recibiu un lote de regalos: un queixo de tamaño medio da Denominación de Orixe Arzúa-Ulloa, un lote de libros de Urco Editora, unha lámina fermosa de Librerías Punto e Coma, un lote de libros do Consello da Cultura Galega e un fermoso “Vidas Imaxinarias” de  Aira Editorial.

Terceiro Premio

(ex aequo) Oposición de Marte de Miguel Sánchez Varela. A imaxe, xa publicada no noso blogue no outono de 2020, destaca porque “aprécianse os casquetes polares e diferentes tonalidades da superficie do planeta vermello”.

A partir dun vídeo de 240 s, o autor tirou proveito do 30 % dos fotogramas, combinándoos nunha soa imaxe.

O autor recibiu un lote de regalos: un queixo de tamaño medio da Denominación de Orixe Arzúa-Ulloa, un lote de libros de Urco Editora, unha lámina fermosa de Librerías Punto e Coma, un lote de libros do Consello da Cultura Galega e un fermoso “Vidas Imaxinarias” de  Aira Editorial.

(ex aequo) Lume no forte de Fins Eirexas. Unha imaxe do cometa NEOWISE que resulta “interesante polo encuadramento e o simbolismo do cometa sobre o castro de Baroña”, un lugar icónico para moitas imaxes do ceo nocturno. Tamén destaca o xurado que “os tons pastel das diversas iluminacións danlle un toque case de cadro ao óleo”.

O ceo aparece toldado polo fume dos incendios próximos e reflicte a contaminación lumínica das vilas costeiras. O autor tirou 5 imaxes para o ceo e 4 para a paisaxe, todas de 75 s de exposición e a ISO 1600.

O autor recibirá un lote de regalos: varios libros de Urco Editora, unha lámina fermosa de Librerías Punto e Coma, un lote de libros do Consello da Cultura Galega, da Editorial Hugin e Mugin e de  Alvarellos Editora.

Ademais, os/as premiados/as puideron gozar do viños da Denominación de Orixe Ribeiro

no xantar ofrecido polo Náutico de Castrelo, ademais de exemplares adicionais de Museo Etnolóxico de Ribadavia, dos Museos Científicos Coruñeses e CD de música de Nigra Mors.

Poderías gostar de...

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Oito minutos de meteoro

Iso foi o que captou o noso colaborador. Na choiva de meteoros das xemínidas destes días pasaron oitos minutos entre a primeira imaxe e a

Un billón de estrelas

En realidade, nesta imaxe hai moitas máis. Ese é o número de estrelas estimado para a galaxia de Andrómeda, que enche a foto. A veciña

Procura

Subscríbete!

Ceos Galegos 2024