A entrada da caverna cósmica

Para entrar nesta cova hai que saber o contrasinal. Na porta, un enorme monstro controla o paso. Aí o está, pendurando desde o alto. Unha enorme columna de gas desvela a súa presenza. Enorme porque, en realidade, ten unha lonxitude de 20 anos luz. O seu nome, vdB 142, apenas arrepía. O seu alcume, a trompa de Elefante, é bastante máis acaído.

Forma parte dun complexo de po e hidróxeno que recibe o nome de IC 1396, na constelación de Cefeo, a uns 3 000 anos luz de distancia. Todo ese material son os compoñentes necesarios para formar novas estrelas. De feito, cada un dos filamentos da imaxe agocha no seu interior protoestrelas que, no futuro, darán lugar a novos soles. Son os ventos estelares das estrelas do interior as que van erosionando, pulindo e comprimindo o material existente. Recentemente véñense de descubrir 100 estrelas novas na nebulosa. Toda a área da imaxe abarca un diámetro equivalente a unhas 10 lúas cheas no noso ceo.

A imaxe é excepcional, cunha calidade marabillosa pensando que está feita desde Ares (A Coruña). A autor creouna a partires de tomas tiradas coa cámara ASI2600MM acoplada a un telescopio, empregando filtros H-alfa, OIII e SII. Cada unha levoulle 900 segundos de exposición. Deste xeito, podemos albiscar a presenza de átomos de hidróxeno, osíxeno e xofre polas cores verde, azul e vermella, respectivamente.O conxunto é tan fermoso que aparece na nosa edición #CeosGalegos22 e, incluso, podemos xogar con ela.

Poderías gostar de...

Auroras boreales galegas

Décadas agardando contemplar desde o país este fenómeno extraordinario remataron nas noites do 10 e o 11 de maio. Unha gran actividade solar xerou unha

Unha eclipse NON total de Sol

Foi por pouco, pero a eclipse non chegaba onda nós. Uns minutos despois do momento no que comezaba a Lúa a se meter na nosa

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Procura

Subscríbete!

Ceos Galegos 2024