Historia de dous arcos

Olla a imaxe, hai dous arcos. Velos? Son reais? Pois un si. Outro non.

Na terra hai un arco de pedras. Levoulle tempo formarse. Os movementos tectónicos que deron lugar a este territorio tiveron lugar hai uns 500 millóns de anos. Pode parecer moito tempo; durante ese periodo o noso Sol apenas deu un par de voltas ao redor do centro da galaxia da Vía Láctea. Dúas das 20 voltas en total que leve desde que existe a nosa estrela. Estamos na praia de Augas Santas (ou das Catedrais, de xeito popular), no concello de Ribadeo (Lugo). Uns cantís formados por rochas graníticas e pizarras nos que a erosión continua do mar (coa axuda do vento) vai formando furnas, arcos (ao se uniren 2 furnas opostas) e derrubamentos. Aí está arco terrestre da imaxe. Un anaco da “rasa costeira” na que se atopa a Mariña Lucense e se estende ata San Vicente de la Barquera (Cantabria).

No ceo hai un arco de estrelas e po cósmico. Está formado pola Vía Láctea. É un arco ficticio, creado pola combinación de varias imaxes que retratan medio ceo. Estamos vendo a proxección no plano de algo que na realidade ocupa case media esfera, a que vai desde noroeste no extremo esquerdo ata o suroeste, no extremo dereito. Se estiveramos alí terïamos que mover a nosa cabeza dunha beira á outra. Na parte do arco que cae á dereita do medio aprezamos tres estrelas brillantes que parecen apertar a Vía Láctea. Por riba están Vega, a máis alta, e Deneb, nas constelación da Lira o o Cisne, respectivamente. Por baixo pecha o chamado “triángulo de verán” Altair, na Aguia.

Como en todas as partes, a contaminación luminosa do horizonte provocada por Ribadeo, Barreiros, A Lourenzá… perturban a observación do ceo.

O autor creou a panorámica a comezos do mes de xuño de 2022. Para as tomas do ceo necesitou 15 segundos de exposición. Para as da terra, 30 segundos, cunha sensibilidade máis alta e poder captar así os reflexos das estrelas na auga do océano e as estruturas xeolóxicas do cantil. Todo coa súa cámara Sony ILCE-7M2 e diferentes obxectivos. E forma parte da edición #CeosGalegos23 ocupando o mes de maio.

Poderías gostar de...

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Oito minutos de meteoro

Iso foi o que captou o noso colaborador. Na choiva de meteoros das xemínidas destes días pasaron oitos minutos entre a primeira imaxe e a

Un billón de estrelas

En realidade, nesta imaxe hai moitas máis. Ese é o número de estrelas estimado para a galaxia de Andrómeda, que enche a foto. A veciña

Procura

Subscríbete!

Ceos Galegos 2024