Aloxamento e xantares

Nesta AstroGalicia24: a festa galega das estrelas ofrecemos a posibilidade de reservares tanto aloxamento como os xantares. En Arzúa hai unha ampla oferta hostaleira, ao estar en pleno Camiño de Santiago. Máis, ao ser tempada baixa hai moitos locais de aloxamento que pechan e, para xantar, non todos poden asumir a demanda que pode supoñer de súpeto o noso evento. Por iso, reservamos para durmir varios locais que estarías pechados por tempada baixa e un par de restaurantes para o xantar do sábado 21 mailo domingo 22.

Aloxamento

Dúas categorías diferentes, para todos os gustos e prezos:

• Albergue Turístico Vía Láctea: polo seu nome, evidentemente. Conta con cuartos múltiples de 8 ou 16 prazas, con baños comúns. Inclúe almorzo. Podes contratar para unha noite ou para dúas noites. A menos de 5 minutos de distancia do lugar das actividades.
• Pensións 2-3 estrelas: coa opción de cuarto individual, dobre, triple ou cuádruple. Un aloxamento de maior calidade na Casona do Nené, a Pensión do Luís ou a Casa do Cabo. Todos eles a 100 metros de distancia do lugar das actividades. Podes escoller tamén unha ou dúas noites.

Xantares

Incluímos o xantar en case todas as opcións de aloxamento. Rerservamos sendos restaurantes (Casa Chelo e o Furancho do Santiso) con ampla capacidade nos seus comedores para xantarmos todos xuntos. Ademais, xa escollemos os horarios compatibles coa marcha das nosas actividades.