As Charlas

As nosas charlas están abertas a todos/as, con acceso libre e de balde. Son divulgativas e permítenos acceder, nunha linguaxe doada, a algunhas das experiencias máis interesantes ou os achádegos máis recentes da astronomía. Todas están impartidas por relatores que son excelentes comunicadores.

Manual para a destrución do planeta Terra

Habitamos un pequeno planeta que orbita ao redor dunha estrela máis das que ateigan a nosa galaxia. Derredor, o universo desprega a súa enormer enerxía en forma de diferentes fenómenos que poderían destruírnos nun só segundo. Así semellan testemuñar os nosos desolados veciños do sistema solar e os silandeiros  planetas extrasolares. Malia iso, a vida foi quen de medrar nesta pequena rocha e sobrevirir dalgún xeito a todos os embates do cosmos.

Non se trata de crear alarma ou inquedanza, senón asomarnos a algúns dos numerosos perigos cos que o cormos nos amenaza cada día para descubrir que o elemento crítico para a nosa supervivencia é asemade o máis delicado: a nosa fráxil atmosfera.

Imparte: Santiago Pérez-Hoyos

Astronomía de raios cósmicos

O telescopio MAGIC é tan especial como o seu nome indica: detecta raios cósmicos e, a partires de aí, afondamos no noso coñecemento sobre o universo.

Imparte: Alba Fernández Barral

Construír un planeta a partires de refugallos estelares

O noso planeta, todos os planetas, están feitos a partires de refugallos cósmicos procedentes das estrelas. Como fabrica a natureza un planeta?

Imparte: Isabel Rebollido

Soña ao grande. Construíndo futuro en AstroHita

A emocionante transformación do Complexo Astronómico de La Hita nos últimos anos. Desde os seus humildes comezos coma un proxecto impulsado pola paixón dos amadores á astronomía, ata a súa consolidación coma un centro profesional de referencia.

Este soño evolucionou cara unha realidade que hoxe participa en proxectos de alto nivel científico e onde o traballo en equipo maila adicación foron chave para avanzar a manter viva a ilusión. Hoxe seguimos abrindo novos horizontes. Astrohita é unha historia inspiradora e amosa eu, con visión e perseverancia, non hai límite para o que se poida acadar.

Imparte: Leonor Ana Hernández