Os obradoiros

O acceso é só para os inscritos en AstroGalicia24. Coma sempre contamos con obradoiros de nivel básico, para que todo o mundo que queira comezar na astronomía desde 0 o poida facer.

Iniciación á astronomía

1ª sesión. Obradoiro de planisferios. O firmamento: recoñecemento dalgunhas constelacións e manexo dun planisferio celeste.

2ª sesión. As estrelas: que son, como se forman, tipos fundamentais e evolución estelar. A estrela Rosalíadecastro. Nomes galegos das constelacións.

3ª sesión. O sistema solar: planetas, planetas ananos e corpos menores. Eclipses de Sol e Lúa. Exoplanetas. A contaminación luminosa.

NECESIDADES DAS PERSOAS INSCRITAS: interese e curiosidade por aprender algo de astronomía.

Imparte: o Martin Pawley.

Recursos para a divulgación da astronomía

Recursos, retos e desafíos propósitos polas Axencias Espaciais (ESA e NASA), desde un punto de vista da divulgación en ciencias do espazo e a astronomía. Estará moi enfocado a aprender técnicas e recursos para a divulgación e o ensino; tanto desde unha asociación como no centro educativo. As temáticas que trataremos son moi variadas:

• enxeñaría de astronaves coa nave Orión de protagonista
• actividade de exoplanetas
• defensa planetaria coa misión Hera
• observación da Terra desde o espazo mediante teledetección e satélites Sentinel

Necesidades inscritos: ordenador portátil para as prácticas.

Imparte: o Marcos Merinero.

Astropaisaxe como introdución á astrofotografía

A fotografía de astropaisaxes é unha especialidade moi agradecida na que con relativamente pouco esforzo podemos chegar a imaxes realmente espectaculares que nos abrirán camiño, se o desexamos, a outras especialidades astrofotográficas. O obxectivo principal deste obradoiro é fornecer os consello e axudas necesarias para definir, concretar e levar a bo termo as imaxes e vídeo-secuencias ou timelapses de paisaxes nocturnas ao noso alcance.

• Bases teóricas e reflexión inicial
• Fases dunha imaxe especial
• Inspiración e creatividade
• Técnicas de captura
• O maldito e bendito procesado
• Práctica nocturna
• Posta en común de resultados
• Dúbidas, dificultades e posibles solucións

Imparte: o Fernando Cabrerizo.

Obradoiro de iniciación á radioastronomía

• Introdución básica á radio, primeiro paso para comprender a radioastronomía
• aspectos básicos da radioastronomía: antenas, resonancia…
• montaxe de receptor sinxelo de radio que funciona sen enerxía (enerxía do éter)
• aspectos chave da radio e como se detectan os sinais
• montaxe dun radiotelescopio portátil para a detección de meteoros

Imparte: o Javi Moldes.