AstroGalicia18 cumpre xa nove anos. Resulta un espazo de lecer e divulgación científica ao redor da astronomía. Serve tanto de punto de encontro das asociacións astronómicas galegas como para que a xente curiosa e interesada pase uns días moi agradables. Moitas das actividades están abertas a toda a poboación. Outras, as menos, só para os inscritos. Un programa de actividades paralelo aumentará a oferta de actividades e accións.

Sexa cal sexa o teu perfil hai unha actividade ao teu gusto se:

• queres comezar a iniciarte na astronomía
• es un astrónomo afeccionado
• gustas da fotografía e queres saber de astrofotografía
• fas divulgación e queres coñecer técnicas profesionais
• tes curiosidade polo mundo que che rodea
• pertences ou queres pertencer a unha asociación de astrónomos afeccionados

Se queres ampliar a información da actividade xa podes:

• consultar  o programa completo para os horarios das actividades
• mirar os contidos das charlas divulgativas (todas de acceso libre)
• comprobar se hai obradoiros que che poidan interesar (necesitan inscrición)
• pequenas biografías dos relatores e docentes
• inscribirte xa, antes de que remate o prazo o 8 de outubro. Recibirás por correo electrónico instrucións para o pagamento.
• como chegar e onde durmir (incluíndo opción de balde)

O programa aínda é provisorio e poderá sufrir alteracións, especialmente os horarios que se irán adaptando as condicións meteorolóxicas.

Resumo

Lugar: Náutico de Castrelo (Castrelo de Miño – Ourense).

Datas: do 12 ao 14 de outubro de 2018.

Participantes: ata 100 inscritos no programa oficial de actividades. Varios ducias máis nas actividades abertas.

Charlas: de acceso de balde e cun nivel para todos os públicos. Os relatores están investigando en temas de completa actualidade e/ou son excelentes comunicadores.

• MeteoMarte: como se analiza a meteoroloxía marciana con tecnoloxía española.
• A misión Gaia: novos datos deste telescopio espacial europeo están a mudar a nosa comprensión da Vía Láctea e do noso lugar no universo.
• Arte e astronomía: un paseo pola influencia das estrelas nos estilos artísticos de todos os tempos.

Obradoiros: de acceso só para os inscritos. Indicamos o nivel por razóns informativas.

• Iniciación á astronomía (iniciación), por Jorge Arranz.
• Astrofotografía planetaria (medio), por Paco Bellido.
• Técnicas de vídeo documental (iniciación), por Iván Esfenodón.
• Modelismo espacial (iniciación), por Marcos Merinero.
• Traballando con datos de Gaia (experto), por Francesca Figueras
• O metano marciano (experto), por Jorge Pla García.
• RadioAstronomía (medio), por Javi Moldes.

Outras actividades:

• Astro-Cea: unha cea temática na que ao longo de varios pratos descubriremos o universo que nos rodea, con música en directo.
• Lanzamento de foguetes: os traballos feitos polos alumnos do obradoiro de modelismo espacial serán postos a proba. Conta atrás, ignición, despegue e… ata varios centos de metros de altura.

Os organizadores da actividade teríano imposible sen o concurso das seguintes entidades, que patrocinan e colaboran de diferentes xeitos para que AstroGalicia18 sexa posible.

• AstroVigo.
• Agrupación Astronómica Coruñesa Ío.
• Agrupación Astronómica Rías Baixas.
• Asociación Astronómica Sirio de Pontevedra.
• Clube Compostelán de Astronomía Vega.
• Asociación Galega para a Comunicación e a Cultura Científica e Tecnolóxica.
• Fotosíntese Agrupación Fotográfica de Ourense.
• O proxecto Ceos Galegos.

Colabora:

• Concello de Castrelo de Miño.