Ceos Galegos 2021

Categoría: Didáctica ou Creativa

Descrición: Nesta imaxe podemos ver dous brazos da galaxia, un no frontal e outro en segundo plano nos que se aprecian po escuro e máis gas ionizado... e perdida no triángulo atópase unha fonte de luz distinta, en verde... a nebulosa Dumbbell que apenas aparece co tamaño dunha estrela e por último por enriba e debaixo das bandas da vía láctea podemos observar ruido ¿ruido? non non, se ampliamos podemos apreciar que hai unha textura de milleiros de fios de gas e po, algunha mancha escura e aquí e aló pequenas manchas de gas ionizado que forman parte do noso propio brazo da galaxia. O triángulo de verán é unha zona da Vía Láctea delimitada por Altair, Deneb e Vega que no verán se atopa boa parte da noite na parte alta do ceo mentres que no profundo do inverno cae preto da cara diurna.