Un arco da vella pantasma

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Lucía Candal

Parece un arco da vella pero non o é. Semella unha nube circular pero tampouco. O fenómeno da imaxe denomínase arco da vella branco ou arco da vella de brétema, aínda que a súa denominación en inglés é máis directa: fogbow.

Se ves a brétema e esta comeza a esvaerse olla con atención. No límite entre a desaparición da néboa e o ceo despexado poden formarse os arcos da vella brancos. A explicación a este fenómeno é moi semellante á dos arcos da vella. O sol ten que brillar por detrás túa, de aí que tamén se chame contrasol, mellor se está a menos de 30-40 graos de altura. Resulta ser máis doado de ver en outeiros e montañas ou nas brétemas mariñas, coma neste caso. Son máis amplos e tan grandes coma os arcos da vella tradicionais. Pero ao contrario que no arco da vella, neste a luz solar ao atravesar as nubes ou pingas de auga máis pequenas, a luz refráctase de xeito máis difuso polo que as cores quedan lavadas, mesturándose unhas con outras e provocan a formación do branco. Ás veces poden ollarse tons avermellados na parte exterior e azulados no interior. Nos arcos da vella a luz solar segue un camiño óptico ben definido polo interior das pingas de auga máis grandes.

Se tes sorte, poida que vexas a túa propia sombra dentro do argo e producirse outro fenómeno chamado gloria ou espectro de Brocken. Aquí, a figura pantasmal que aparece polo centro e moito máis acaída: a torre de Hércules.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021