Un galego na Lúa

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Bios Bardo, Os

Este ano cúmprese medio século da chegada dun home á Lúa. A día de hoxe só 12 homes da mesma nacionalidade estadounidense puxeron os pés no noso satélite natural, catro aínda están vivos e poida que algún sexa galego. Ou non?

Temos a  Frank Caínzos, astronauta da NASA. En realidade o seu nome completo era Fernando Caldeiro Caínzos. Con eses apelidos se non era galego podía parecelo. Realmente naceu na Arxentina e mudouse de pequeno aos EUA, polo que tiña nacionalidade arxentino-estadounidense. Pero o seu pai era de Samos (Lugo) e a nai berciana con orixes tamén galegas. Incluso recibiu a medalla Castelao da nosa Xunta. Eis o noso galego na… Lúa?

Hoxe temos axencia aeroespacial galega, aínda que sexa escolar. Temos enxeñaría aeronáutica, aínda que estea nos primeiros anos e aínda non licenciou a ningún estudante. Temos empresas que andan a argallar cousas espaciais, aínsa que polo momento sexan satélites pequerrexhos. A Nasa de verdade planea voltar á Lúa na vindeira década e ben puidera ser Frank o noso astronauta “galego” un dos chamados á gloria. Pero non vai poder ser, pois finou na década pasada.

Non houbo aínda un galego na Lúa a pesares da canción. Pero seguro que chegamos a velo. Ou podemos conformarnos coa imaxe de hoxe: hai unha Lúa e hai un astronauta que foi impreso en 3D por un galego.

Hoxe é o primeiro de abril, o noso día dos enganos.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Comezou o outono? Depende

Astronomicamente falando, no país xa chegou o outono hai uns días. Meteoroloxicamente falando, parece que seguimos no verán, aínda que as temperaturas xa son máis

Rebentou unha estrela

— Urg! — Urg!, urg! Así dirían os Homo sapiens sapiens que, hai 10.000 anos, viron unha estrela refulxir no ceo diurno. Ou destacar moito

Sabes onde estás?

Estás perdido e non sabes onde estás? A astronomía sae ao teu rescate. Olla a foto. Só tes que procurar a estrela polar e mirar

Procura

Subscríbete!

Calendario Ceos Galegos 2022