O proxecto Ceos Galegos > O calendario

Ceos Galegos – Galician Skies é o primeiro produto editado polo proxecto. A palabra calendario quédalle un pouco pequena, porque en realidade é unha colección de 14 imaxes marabillosas do ceo encadernadas en forma de calendario. Iso favorece un dos nosos obxectivos: introducir a ciencia e a astronomía nas cociñas e salóns dos fogares galegos. Por iso creamos este produto tanxible, útil e fermoso. Un calendario de gran formato editado profesionalmente con imaxes dos mellores fotógrafos galegos da noite ou, cando menos, das mellores feitas no país. Ao longo das súas 14 páxinas percorremos paisaxes típicas, fenómenos atmosféricos singulares, solpores, ceos estrelecidos e algunha imaxe astronómica de ceo fondo. Cada imaxe ten un texto breve explicando o que se observa, recollendo páxina a páxina e de xeito didáctico, conceptos e temas diversos e interesantes.

O calendario astronómico é un proxecto de calidade que vale tanto para regalar como para ter en casa, consultar ou usar como axenda. Compleméntase con esta web que publica periodicamente imaxes comentadas, realiza concursos e promove todo tipo de actividades de comunicación social da ciencia. As propias imaxes do calendario aparecen na web, onde sen a limitación de caracteres do papel podemos explicar con fondura todo o que aparece na imaxe.

Características técnicas

O calendario astronómico ten as seguintes características:

  • portada e contraportada cos créditos
  • 12 páxinas para os meses e cartón protector
  • impresión en estucado mate de 200 g con lacado protector mate, cun cartón base de 300 g, encuadernación wire-o e colgador de parede
  • tamaño de 48 x 34 cm, coas fotografías a sangue ocupando máis das tres cuartas partes do papel
  • os fotógrafos escollidos están entre o mellor do panorama galego de fotografía nocturna e astronómica, tanto afeccionados coma profesionais, mais están aquí polo seu traballo, non polo seu nome
  • efemérides astronómicas galegas, fases lunares e directorio de entidades astronómicas
  • presentación a mes visto, con espazo para anotacións en cada día

Distribución

Dispoñible para a súa venda en liña, para chegar a toda a xeografía peninsular e, ás veces, envíos ao estranxeiro. Sempre podes consultar. Para a súa compra física contamos cunha ampla de librarías por todo o país. Incluso facemos presentacións en directo nelas. Ollo, que está dispoñible nun periodo limitado de tempo (de novembro a xaneiro aproximadamente).

Non hai ningunha preto de ti? Dille ao teu libreiro que fale connosco ou pídeo na nosa web.

Tes unha libraría e queres participar deste proxecto? Cubre o noso formulario de librarías e recibirás o primeiro pedido ao día seguinte, xunto cun cartel para o escaparate e un calendario de balde para expoñer. O material entrégase en depósito ata o remate da campaña de Nadal, a finais de xaneiro. Pide as condicións completas por correo electrónico.

A %d blogueros les gusta esto: