O calendario 2018

Mercar Ceos Galegos

Ceos Galegos 2018, calendario astronómico é un produto tanxible, útil e fermoso. Un calendario de gran formato editado profesionalmente con imaxes dos mellores fotógrafos galegos da noite ou, cando menos, feitas en Galicia. Ao longo das súas 7 follas percorremos paisaxes típicas, fenómenos atmosféricos singulares, solpores, ceos estrelecidos e algunha imaxe astronómica de ceo nocturno. Cada imaxe ten un texto breve explicando o que se observa, recollendo páxina a páxina e de xeito didáctico, conceptos e temas diversos e interesantes.

O calendario astronómico é un proxecto de calidade que vale tanto para regalar como para ter en casa e consultar ou usar como axenda.

Características técnicas

O calendario astronómico ten as seguintes características:

  • portada con contraportada, 12 páxinas para os meses e cartón protector
  • impresión en estucado mate de 200 g con lacado protector mate, cun cartón base de 300 g, encuadernación wire-o e colgador de parede
  • tamaño de 48 x 34 cm, coas fotografías a sangue ocupando máis das tres cuartas partes do papel
  • impresión en estucado mate de 200 g con lacado protector mate, cun cartón base de 300 g, encuadernación wire-o e colgador de parede
  • os fotógrafos escollidos están entre o mellor do panorama galego de fotografía nocturna e astronómica, algún é foto-xornalista e varios son profesionais
  • efemérides astronómicas galegas, fases lunares e directorio de entidades astronómicas
  • presentación a mes visto, con espazo para anotacións

Temas

En cada páxina retrátase un lugar, unha paisaxe, un obxecto astronómico ou un monumento. Ao longo do ano percorremos:

  • ría de Vigo e ponte de Rande (Pontevedra)
  • montañas dos Ancares (Lugo)
  • faro de punta Roncadoira en Xove (Lugo)
  • antigo faro de cabo Silleiro en Baiona (Pontevedra)
  • penedo do Galo en Viveiro (Lugo)
  • catedral de Santiago de Compostela
  • montañas de Trevinca na Veiga (Ourense)
  • canastro de Gontán en Verea (Ourense)
  • faro de Corrubedo (A Coruña)
  • illas Cíes (Pontevedra)
  • torre de Hércules (A Coruña)
  • praias de Camariñas (A Coruña)
  • galaxia de Andrómeda e as súas satélites (Grupo Galáctico Local)
  • nebulosa de Orión na constelación homónima (Vía Láctea)