Ás veces vexo un observatorio

Share on facebook
Share on twitter
Share on linkedin
Share on whatsapp
Share on telegram

Créditos: Pablo J. Martínez Alemparte

Na parte de arriba contemplamos un fermoso ceo galego, de inverno. De esquerda á dereita podemos admirar varias constelacións entre as que destacan o Can maior (coa súa brillante estrela Sirio), Orión (dominando no centro da fotografía) e O Touro, coas súas cornas formadas polo cúmulo estelar aberto das Híades e unha manchiña pegada ao bordo superior que son as Pléiades, outro cúmulo de estrelas. Podes premer na imaxe para obter unha versión anotada da mesma.

Na parte de abaixo, coa característica forma redondeada, contemplamos un observatorio astronómico. Si, porque no noso país tamén se fai astronomía. Baixo a dirección dunha fundación no Observatorio Astronómico de Forcarei (OAF) colabórase en diversas actividades de divulgación científica e en campañas de observación astronómica.

Na parte do medio, afastando a Terra do ceo contemplamos a ubicua contaminación luminosa, neste caso a varias deceas de quilómetros de distancia no litoral galego. Se ben aparece sobreexposta nesta imaxe que ten 30 segundos de tempo de apertura do diafragma, resulta cada vez máis molesta para profesionais e para afeccionados a contemplar o ceo nocturno.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

1 comentario en “Ás veces vexo un observatorio”

Os comentarios están pechados.