Unha pelica de raposa e un cono

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pablo J. Martínez Alemparte

As nebulosas son nubes cósmicas. Nubes de po e hidróxeno, case sempre. En moitas delas están a nacer estrelas. A miúdo reciben alcumes imaxinativos, cando os astrónomos xogan a recoñecer as súas formas e cores.

A nebulosa da nosa imaxe ten o nome técnico de NGC 2264. Pero se miramos polo miúdo descubrimos a nebulosa do Cono á esquerda, un grupo de estrelas moi brillantes formando un triángulo deitado que se denomina cúmulo da Árbore de Nadal no centro e unha nube escura e avermellada por baixo da estrela máis brillante que se denomina Pelica de Raposa, na esquerda.

As nubes vermellas son visibles polo hidróxeno excitado coa radiación das estrelas recén nadas. Os electróns dos átomos de hidróxeno reemiten a luz que anteriormente captaron para se excitaren. A zona azul débese a reflexión da luz estelar polo po escuro. As formas caprichosas das nebulosas están orixinados polos ventos da radiación estelar que van erosionando o gas. No caso do Cono, imaxes de maior resolución permítennos ver que se trata dun enorme piar con 2,5 anos luz de anchura no cumio; case a metade da distancia entre nós e a seguinte estrela Proxima Centauri.

O autor foise ata A Veiga (Ourense), aproveitando os escuros ceos do miradoiro estelar da Tablilla para tirar 24 tomas de 5 minutos coa súa cámara Canon EOS 450D(a). Acoplouna a un telescopio reflector 200/100 e fixo tomas adicionais de calibrado, todo a finais do pasado mes de febreiro.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Unha de meigas

Créditos da imaxe: Raúl Matos Unha nube? Unha ovella? Unha meiga? Xogar a ver formas nas nubes cósmicas pode ser tan divertido como xogar a

Xogando coas cores

Imaxe: Miguel Sánchez Varela. Procesado: Iago de la Fuente Vemos o invisible. Porque o que se ve nesta imaxe non se ve. Mellor dito, non

Procura

Subscríbete!

Calendario Ceos Galegos 2021

Deixa un comentario