A verdadeira guerra das galaxias

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Miguel Sánchez Varela

Esta é unha guerra de verdade. Galáctica, porque están a loitar galaxias. Moi longa, pois comezou hai mil millóns de anos (millóns arriba ou abaixo). Con batallas que deixas as súas feridas. E podemos saber como rematará todo, como en case todas as guerras; ninguén gaña, ninguén perde.

Sobre un tapiz de estrelas individuais, todas da nosa galaxia, saliéntase á esquerda a galaxia espiral M81 e á dereita a galaxia irregular M82. As dúas están a guerrear empregando a atracción gravitacional como arma. Neste caso, as dúas se atraen entre si de forma proporcional ás súas masas. Chocan dun xeito singular, atravesándose unha a outra, provocando a interacción gravitacional entre os seus compoñentes individuais e provocando enormes “cicatrices” perceptibles a grande escala. Así, M81 ten brazos espirais moi amplos abertos por esas interaccións. Por contra, en M82 quedaron enormes rexións activas de formación estelar, grande número de estoupidos de supernova e potentes ventos de estrelas masivas. Toda esa actividade xera a expulsión de material cara o exterior. Aí están eses filamentos avermellados polo gas de hidróxeno atómico que arrastran. 

Este espectáculo ten lugar a case 12 millóns de anos luz de distancia e rematará nuns poucos miles de millóns de anos: as galaxias ficarán fundidas nunha soa. Así evolucionan e medran as galaxias grandes.

O autor precisou sumar un total de 2 horas e media de exposición RGB coa súa cámara Canon 550D, acoplada a un telescopio refractor de 80 mm. Coma sempre no seu caso, desde o seu observatorio particular de Arzúa (A Coruña).

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Un novo mensaxeiro cósmico

O cometa da imaxe descubriuse hai menos de dous meses. O máis abraiante é que o descubriu un astrónomo amador xaponés. Aínda hai espazo para

Procura

Subscríbete!

Ceos Galegos 2023

1 comentario en “A verdadeira guerra das galaxias”

Os comentarios están pechados.