Unha galaxia descentrada

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Raúl Matos

A imaxe está dominada por unha galaxia de amplos brazos espirais. Coñecida nun dos  catálogos máis afamados coma M101, ten o alcume de galaxia Tarabela porque lembra ese xogo infantil. Dan gañas de soprar nela a ver se a movemos. E algo así xa lle pasou. Mirades ben ao seu núcleo? Non vos parece que non está ben centrado? Así é, froito dunha antiga colisión con outra galaxia que provocou enormes forzas de atracción gravitacional entre ambas. Aínda podemos ver como o brazo da parte superior da imaxe parece estricarse en dirección a algunha galaxia veciña. Na mesma imaxe enxergamos algunha manchiña pequena moi preto da galaxia e incluso ao través do seu po, son parte do grupo galáctico do que forma parte e co que parece interaccionar. Máis abaixo é a esquerda aparecen outras galaxias máis afastadas.

Esta galaxia ten case o dobre de tamaño que a nosa propia Vía Láctea. A sorte para nós é que se presenta de cara, polo que podemos pensar que a nosa galaxia terá unha forma semellante. No ceo atópase por riba da cola do Osa Maior e ten o tamaño da Lúa chea, aínda que precisaremos dun pequeno telescopio para poder albiscala. Así fixo o astrónomo francés Pierre Méchain en 1781, o seu descubridor e amigo de Charles Messier, quen a catalogou.

A luz recibida polo noso colaborador en Cotobade (Pontevedra) na noite de San Xoán saiu da galaxia hai 27 millóns de anos.

CONCURSO: escolle as túas fotos favoritas do #CometaNEOWISE e entra en varios sorteos.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023