O primeiro piar solar

Share on facebook
Share on twitter
Share on linkedin
Share on whatsapp
Share on telegram

Preto do solpor ou do mencer. Unha atmosfera fría. Cristais de xeo por millóns. Todo iso na túa cocteleira terrestre e poida que teñas un piar solar. Como o da imaxe.

Un piar solar é unha columna luminosa que parece saír ou chegar ao Sol. Non son raios solares como noutros fenómenos. Fórmanse pola acción combinada das faíscas de multitude de cristais de xeo que hai na atmosfera, ao refractaren a luz solar. Poden chegar a unha altura de 10º, que vén sendo o tamaño dun puño co brazo estendido. A cor que adquiren débese ao do solpor, as nubes, o po… indo do branco ao avermellado. Ata é posible que se vexan cando o Sol xa vai por baixo do horizonte.

Para a súa formación é preciso que os cristais de xeo non estean aliñados, ao revés que no caso dos halos ou nimbos solares. É máis, canta maior sexa a desaliñación dos cristais máis altura terá o piar solar.Os piares solares son un dos moitos fenómenos de óptica atmosférica que nos regala a natureza. Este foi capturado nos ceos de Cambados no inverno do ano 2020 e concursa no noso certame de mellores fotos do ano. Podes votar por ela (e entrar no sorteo de varios lotes de produtos dos nosos colaboradores) antes do 31 de marzo de 2021.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021