Aí vén o maio…

Share on facebook
Share on twitter
Share on linkedin
Share on whatsapp
Share on telegram

Medran os días. Diminúe a escuridade. Medran as flores. Esváense as nubes do ceo. Máis tempo libre. Menos horario para facer astronomía nocturna.

Con maio algúns dos obxectos máis fermosos van subindo no ceo e fuxen das complicacións do horizonte. Por riba deste piñeiro florecen as galaxias M81 e M82, no seu combate eterno na procura dunha futura fusión galáctica. Eterno a ollos humanos, pois apenas albiscamos unha pequena fracción da súa evolución. Anda aí pola constelación da Osa Maior.

Mais o ceo regálanos a presenza doutras galaxias, captadas nesta non tan longa exposición do noso autor. En realidade, cun telescopio e máis tempo de fotografado todo estaría ateigado de galaxias. Es quen de albiscar as outras?

Por riba NGC 3077. Ten aires a unha folerpa abrancuzada. E a verdade é que como galaxia é un tanto esmirriada porque no pasado tivo interaccións coas dúas anteriores, xa que está na mesma zona do espazo. Pero ten un núcleo activo que permite clasificala como galaxia de tipo Seyfert.

Á esquerda  vai NGC 2976, tamén no mesmo grupo galáctico denominado “grupo M81”. En conxunto, varias ducias de galaxias ligadas gravitacionalmente entre elas. É o máis achegado ao noso Grupo Local, no que se encadra a Vía Láctea. E os dous grupos á súa vez inclúense no denominado Súper-cúmulo de Virgo.O autor tirou 14 imaxes de 1 minuto de exposición para captar o ceo e unha imaxe adicional de 15 segundos, para obter a paisaxe do primeiro plano. Todo iso desde un ceo urbano bastante polucionado luminicamente.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023