Unha camelia cósmica

Share on facebook
Share on twitter
Share on linkedin
Share on whatsapp
Share on telegram

Créditos: Ángel R. D. Arós

Vale que hai quen ve unha rosa vermella, pero sendo galegos ben podemos chamala a nebulosa da Camelia, porque o de nebulosa Roseta quédanos algo distante. Sexa como sexa, esta nube cósmica fotografada desde Guitiriz (Lugo) é unha chea de gas hidróxeno que, no seu interior, alberga un grupo de estrelas que se fixeron oco. A nube recibe a denominación de rexión H II, con números romanos, indicando que o hidróxeno presente esta ionizado, é dicir, que o seu electrón foi arrincado. Son zonas nas que habitualmente se forman estrelas novas. Só ten que existir algún tipo de mecanismo que comprima o gas presente, ata lograr acender o queimador de combustible mediante unha reacción de fusión nuclear.

A simple vista non podemos enxergar a nebulosa e, cun telescopio pequeno, detectariamos só cúmulo de estrelas do centro. No caso desta imaxe foron necesarias varias tomas de varios segundos de exposición, empregando varios filtros para salientar algún dos gases presentes, e un posterior procesado informático para unir as imaxes. Ademais houbo a sorte de captar un meteoro atravesándoa.

Esta nebulosa vén estando na constelacion do Unicornio ou Monoceros, un grupo de estrelas perdido entre as constelacións de Orión e os seus fieis cans (Can maior e Can menor).

 

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021

3 comentarios en “Unha camelia cósmica”

Os comentarios están pechados.