O arco da vella non ten sete cores
Créditos da imaxe: Sindo Nóvoa
A receita para facer un fermoso arco da vella precisa chuvia, o Sol saíndo entre as nubes (sempre ás túas costas) e un observador no lugar axeitado. Entón, aló, comezará a se formar un arco froito da descomposición da luz nas cores que ten no seu interior. Se nos queremos poñer finos podemos afirmar que é o espectro electromagnético da luz visible. A luz solar atravesa as pingas de auga. Estas actúan coma pequenos prismas de cristal separando as cores que, ao teren diferentes lonxitude de onda, refráctanse a diferentes ángulos, conformando esa gradación colorida que ten o arco da vella.
Cantas cores contas? Cinco, seis, sete, oito? Por fóra está o vermello, despois veñen laranxa, amarelo, verde, celeste, azul e violeta. Sete? En realidade, as cores forman un continuo de tons polo que poderiamos albiscar por centos ou milleiros diferentes. Que digamos que hai sete debémosllo a Isaac Newton. El foi quen demostrou que o arco da vella era a descomposición dun raio de luz ao pasar por un prisma de cristal. El foi quen decidiu que o número de cores que se vían eran sete, pois daquela considerábase un número cabalístico. E a Newton, esas cousas, molábanlle un chisco.
No noso caso, ademais do arco da vella principal vemos un segundo que quere asomar, por riba do primeiro e máis feble. Débese a que o tamaño das pingas de auga permiten que se produza unha segunda refracción no seu interior. Por baixo do arco iris unha cidade enteira, A Coruña.
6 Respostas
[…] sabemos cal é a receita para ter un arco da vella. Pero, algunha vez quixeches buscar o tesouro agochado onde remata? Velaquí o tes… pero non. Non […]
[…] de diversa densidade o que fai que as diferentes cores do interior da luz branca (que se ven nun arco da vella), sigan camiños diferentes. Os efectos combinados xunto doa presenza de zonas de diferente […]
[…] de varios tipos. En resumo, trátase dunha combinación da refracción atmosférica, que privilexia a compoñente verde da luz branca do Sol, co fenómeno de espellismo, que provoca a deflexión da imaxe ao atravesar capas de aire de […]
[…] de varios tipos. Resumindo, trátase dunha combinación da refracción atmosférica, que privilexia a compoñente verde da luz branca do Sol, co fenómeno de espellismo, que provoca a deflexión da imaxe ao atravesar capas de aire de […]
[…] luz branca do Sol é unha mestura de diferentes cores ou lonxitudes de onda, como se diferencian no arco da vella. Os tons azuis son os de menor lonxitude de onda, polo que en días despexados todas as cores se […]
[…] Non ten sete cores. Esa idea provén do libro Optiks de Isaac Newton. Ademais de físico, ao Isaac molábanlle a cabalística e as artes escuras. O número 7 tiña certas connotacións, de aí que quisexe ver que os arcos da vella teñen 7 cores. Tamén lle permitía asignar cada cor con unha das notas musicais da escada. Agora ben, cantas ves ti? Onde remata unha cor e comeza outra? Na realidade hai unha chea de matices e depende moito da definición do arcoíris en cuestión. Desde os vermellos interiores ata os violáceos exteriores, pasando por amarelos, verdes e azuis. […]