Ronsel de galaxias

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pablo J. Martínez Alemparte

Os planetas agrúpanse ao redor das estrelas. As estrelas amoréanse en galaxias. As galaxias xúntanse en cúmulos galácticos. Os cúmulos crean estruturas enormes que conforman todo o cosmos.

A nosa Terra agrúpase  ao redor do Sol xunto con outros 7 planetas, varios planetas ananos (cun censo en aumento constante), varios cintos de asteroides, cometas e outros astros. O noso Sol paseáse polo ceo xunto con outros milleiros e milleiros de estrelas pertencentes á galaxia da Vía Láctea. Esta mantén unha estrutura de brazos en espiral, máis ou menos estable. As estrelas van interaccionando entre elas pola atracción da gravidade e mudando a forma da galaxia. A nosa galaxia, xunto con outras como a galaxia de Andrómeda, a do Triángulo e unhas cantas galaxias irregulares e outras ananas paseánse da man da gravidade formando o denominado Cúmulo Local. Dentro del atráense, interaccionan, chocan, fusiónanse unhas con outras ao longo de eóns.

Na imaxe vemos uns centos de estrelas da nosa galaxia. Pero tamén hai galaxias que pertencen a outro cúmulo galáctico, o de Virgo. Unha monstrosidade de cúmulo que conta cun milleiro de integrantes. Denomínase cadea de Markarian, aínda que neste caso non a vemos completa. Entre as que ficaron fóra, xusto por riba do bordo superior, M87, a galaxia máis importante deste ano. Mañá falaremos dela.

O autor tirou esta imaxe no pasado mes de maio desde o miradoiro estelar das Tablillas, na Veiga (Ourense). Valeuse da súa cámara Canon EOS550D acoplada ao seu telescopio reflector. Precisou de 14 tomas de 300 segundos, máis dúas tomas adicionais de calibración, con sensibilidade ISO 800.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

1 comentario en “Ronsel de galaxias”

Os comentarios están pechados.