Unha coroa para a Lúa

Share on facebook
Share on twitter
Share on linkedin
Share on whatsapp
Share on telegram

Créditos da imaxe:  Antonio Costa

Parece unha diana celeste. Pero a falta de frechas, imos dicir que é unha coroa lunar. A sorte foi que unhas nubes febles pasaban por diante da Lúa. As pingas de auga provocaron a aparicición dun patrón de difracción. Cada pinga é unha fonde de espallamento das ondas luminosas. Todas as ondas producidas interfiren entre si de xeito construtivo, provocando a aparición de aneis brillantes, ou de  xeito destrutivo, aparecendo aneis escuros. A imaxe ten varias características que a convirten nun moi bo exemplo de coroa. Grazas a maior densidade de nubes por diante da Lúa case pode verse esta perfectamente, sen aparecer sobreexposta. Chegamos a albiscar ata 3 aneis, o máis externo moito máis feble que os interiores. O primeiro anel ten só o 1,75% da intensidade da luz dispersada. O segundo anel xa é 4 veces máis tenue, cun 0,42% da intensidade.

As cores dos aneis veñen a ser os mesmos dun arco da vella, só que aparecen mesturadas e superpostas unhas con outras. O tamaño da coroa é uns 15 graos, moito máis pequena ca os 22 graos dos nimbos ou halos

Ademais de polas pingas de auga, poden aparecer coroas provocadas por cristais de xeo na atmosfera, por pole espallado polo vento e ao redor do Sol.

A imaxe foi tirada a comezos do mes de febreiro por terras pontevedresas.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Comezou o outono? Depende

Astronomicamente falando, no país xa chegou o outono hai uns días. Meteoroloxicamente falando, parece que seguimos no verán, aínda que as temperaturas xa son máis

Rebentou unha estrela

— Urg! — Urg!, urg! Así dirían os Homo sapiens sapiens que, hai 10.000 anos, viron unha estrela refulxir no ceo diurno. Ou destacar moito

Sabes onde estás?

Estás perdido e non sabes onde estás? A astronomía sae ao teu rescate. Olla a foto. Só tes que procurar a estrela polar e mirar

Procura

Subscríbete!

Calendario Ceos Galegos 2022

1 comentario en “Unha coroa para a Lúa”

  1. Hola, buenos días. Una preciosidad de foto, muy inspiradora. Gracias al autor y por compartir. Un abrazo y hasta la próxima. 🙂

Os comentarios están pechados.