Chega o outono

Share on facebook
Share on twitter
Share on linkedin
Share on whatsapp
Share on telegram

Cada estación ten as súas cousas. No outono, castañas e cogumelos. E estrelas. A vantaxe do ceo nocturno é que podemos gozalo todo o ano. Incluso, unha parte do ceo é diferente en cada estación do ano. Os froitos do bosque non.

No outono aínda están gran parte das constelacións do verán coma o Cisne, a Aguia e a Lira, nas primeiras horas da noite. E, desta volta, seguimos a poder gozar dos planetas Xúpiter e Saturno, pero tamén Venus xustiño tralo solpor. O cambio de hora de finais de outubro amola bastante nun país tan ao oeste, pero permite gozar do ceo nocturno a horas máis normais. A Vía Láctea sempre estará aí, marcando o camiño. E, xa despois da hora da cea, comezan a se erguer as Pléiades, sempre as Pléiades. E as constelacións do Touro, Orión, os Cans Maior e Menor e moitas máis.

Todo o ano, enxergamos as dúas Osas (Maior e Menor, pero tamén o W ou M de Casiopea, o cabalo alado de Pegaso… Aprender a mirar o ceo é mirar ao noso pasado, á nosa historia, ás lendas da tradición greco-latina que herdamos. Pero tamén a unha visión occidental do ceo nocturno. Outras culturas designaban con outros nomes ás mesmas constelacións. Nas imaxes tes dous mapas do ceo nocturno correspondentes ao día de hoxe. O primeiro, xusto tralo solpor, ás 20:00 hora. O segundo, xusto a medianoite. Os dous están feitos a partires da excelente web de Heavens Above. Porque o ceo está por riba de nós; só temos que erguer a cabeza e aprender a miralo.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Unha Lúa chea que non se ve

Na historia da humanidade saber cando a Lúa era chea foi algo fundamental. Os primeiros calendarios eran lunares, como son aínda o calendario eclesiástico, o

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Procura

Subscríbete!

Ceos Galegos 2023