Dúas torres, tres mentiras

Share on facebook
Share on twitter
Share on linkedin
Share on whatsapp
Share on telegram

Non, parece que vai chover pero non. Esta formacións nubosas tan arrepiantes non adoitan indicar unha boa chuzada. Realmente, falan dun equilibrio nas correntes entre o exterior e o interior da nube. Os aires ascendentes e cálidos foron pulindo a formación nubosa con aire frío que pretende descender. A loita entre esas correntes vai formando as estruturas alternas cóncavas e convexas, esas formas de mamas, que lle dan o apelido.

Non, non son un tipo de nubes. Aínda que ás veces reciben o nome xenérico de nubes mammatus, en realidade o nome desta nube é altostratus, sendo mamma unha das posibles variantes especiais. Así se recolle no Atlas Internacional de Nubes editado pola WMO ou Organización Meteorolóxica Mundial. A formación destas estruturas de mammas é complexa e aínda está en estudo. Nestas formación nubosas a parte activa, a choiva, acostuma estar noutro lugar cunha estrutura diferente.

Non, aínda que esteamos na Cidade da Cultura en realidade isto non é unha cidade. O marco arquitectónico da imaxe, coas torres Hejduk no centro, aporta certo aire futurista, aínda que o seu deseño orixinal é de comezos dos anos 90 do século pasado e para outro lugar de Santiago de Compostela.

A autora da imaxe, tirada en maio de 2022, empregou a súa Sony A7R3 nun trípode, con ISO 160, F8 e 1/50 s de exposición. E pola súa fermosura aparece no mes de decembro de #CeosGalegos23. A primeira vez que colabora no noso proxecto.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Os seis planetas á vista

Hai veces nas que o ceo nos regala espectáculos excepcionais de balde. Estes días está a pasar, por primeira vez en 20 anos. A ollo

Procura

Subscríbete!

Ceos Galegos 2023