Un ceo con corazón e alma

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Fins Eirexas

Sabiamos que o ceo tiña corazón. Tamén ten alma. Os dous están na constelación de Casiopea, un lugar doado de atopar. Co seu característica forma de M ou W, esta raíña da mitolóxica Etiopía xira todo o ano ao redor da estrela Polar, xusto ao lado contrario do Carro Maior.

As nebulosas Corazón e Alma son os alcumes das máis formais denominacións IC 1805 e IC 1871. Ámbalas dúas brillan con intensidade en vermello, a luz do hidróxeno ionizado, o seu maior compoñente. Esa luz foi emitida hai uns 6 000 anos e chega agora a nós. Xuntas, ocupan no ceo un espazo dun diámetro duns 300 anos luz. No centro de ambas observamos estrelas pertencentes a sendos cúmulos abertos. 

As dúas nebulosas aparecen acompañadas á esquerda por un cúmulo estelar coñecido como o Dobre Cúmulo de Perseo porque, en realidade, son dous cúmulos estelares moi próximos e denominados NGC 869 e NGC 884. Están a unha distancia similar á das dúas nebulosas.

Por certo, o corazón claramente é a nebulosa que está abaixo á dereita, con esa forma tan parecida ao órgano humano. Sobre a forma da alma xa non o temos tan claro.Para este recadro, tirado no outono pasado, foron necesarias tirar 12 fotografías de 60 segundos de exposición cada unha e ISO 3200, todas coa cámara Nikon D600 e un obxectivo Nikkor AIS ED 180 mm a f 2,8. Foi merecedora do terceiro premio do xurado en imaxes con telescopio do ano 2019.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021