Guía para ver un cometa

Share on facebook
Share on twitter
Share on linkedin
Share on whatsapp
Share on telegram

Imaxe: Pablo Martínez Alemparte

Tralo solpor mira ao noroeste. Xa está. Aí debera aparecer. A simple vista, a ollo nu, como queiras dicilo. U-lo noroeste? Entre dúas e tres cuartas á dereita do lugar polo que se puxo o sol. Máis ou menos. Proba desde o balcón, desde a fiestra, desde a cidade. Se non tes sorte e algún obstáculo oculta o horizonte sae a un parque público que teña ese horizonte despexado. Se podes saír a un monte achegado moito mellor. Se vives no rural aproveita, todo son vantaxes. Se levas uns prismáticos, a experiencia mellora. Pero non son imprescindibles. E poderás presumir de que viches un cometa.

Tes cámara de fotos? Con trípode moito mellor. E se procuras un contorno bonito, un monumento senlleiro para que o cometa ande por aí, atento que imos convocar un concurso para escoller as mellores imaxes. Nuns días. Pero ti vai facendo. Porque poderás presumir de ter o teu cometa retratado. E nós poderemos compartir moitas imaxes fermosas.

Non sabemos cando teremos outro cometa coma este. Porque por moitas previsións que fagamos, os cometas son coma os gatos, ámbolos dous teñen cola e fan o que lles peta.

Cando buscalo? Hoxe, mañá, pasado? Pois canto antes mellor. A previsión é que vaia esmorecendo durante os vindeiros días pois se vai afastando do sol. Pero como a Terra se vai achegando a el algo compensa. Pero lembra, os cometas son como os gatos. Así que mellor non se fiar. Aquí podes descargar un planisferio para Galicia ás 22:30 horas coa posición do cometa nos días 15 e 25. Ollo, non se vai ver como o debuxo; nin nesa cor nin a ese tamaño. Pero paga a pena.

Sabes algo do ceo? Pois procura o lugar do Carro Maior, esas sete estrelas da Osa Maior que se ven claramente no ceo. Pois o cometa andará estes días entre o Carro e a constelación de Leo, máis ou menos. Incluso podes ter mapas máis amplos na marabillosa web do proxecto Heavens Above. Ou descárgate o que fixemos nós.

A nosa imaxe foi tirada desde o miradoiro  do Cepudo, por riba da cidade de Vigo (Pontevedra). O autor empregou a súa Canon EOS 60D, cun obxectivo  Sigma10-20, 10 s de exposición e ISO 1600, f 5.6.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Unha Lúa chea que non se ve

Na historia da humanidade saber cando a Lúa era chea foi algo fundamental. Os primeiros calendarios eran lunares, como son aínda o calendario eclesiástico, o

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Procura

Subscríbete!

Ceos Galegos 2023