Será por cometas

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Marco Antonio Vilar Sanlés

En séculos pasados descubrir un cometa implicaba a fama. E recibir unha paga do rei. Hoxe hai observatorios automatizados que varren os ceos para descubrilos automaticamente. Perdido o romanticismo do achádego, quédanos gozar das imaxes dos amadores á astronomía.

O proxecto PANSTARSS conta cun observatorio robótico en Hawai (EUA). En outubro de 2017 descubriu un cometa que resultou baptizado coma C/2017 T2 (PanSTARRSS). Suponse que procede da nube de Oort, unha rexión nos arrabaldes do Sistema Solar chea dos refugallos de xeo e po que quedaron na formación dos planetas. Ás veces, no xogo das atraccións gravitacionais dos corpos que alí se moven, algún sae disparado cara o interior das órbitas planetarias para ledicia dos ceos galegos. Neste caso para non voltar, pois a súa traxectoria aberta fará que se perda no espazo tras facer un pequeno xiro ao redor do Sol.

A imaxe cazouno o 30 de decembro, un día despois do seu máximo achegamento á Terra (a 1,5 veces a distancia Terra-Sol). Albiscamos o núcleo brillante do cometa, a coma que o arrodea e a tenue cola que deixa atrás, formada polo efecto do vento solar. Andaba daquela entre as constelacións de Perseo e a Xirafa. Agora está a entrar no reino de Casiopea. A finais de maio voltará a achegarse a nós e terá máis brillo, unha magnitude de 8 aproximadamente, polo que será visible con prismáticos. Non está mal, trala decepción do cometa ATLAS que parece estar a esnaquizarse.

A imaxe requiriu de 92 tomas de 45 segundos de exposición cada unha con sensibilidade ISO 6400, empregando unha cámara Canon 4000D acopada directamente ao un telescopio Newton Celestron 200/1000. Todo iso feito desde Ribeira (A Coruña).

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023