O canastro polar

Share on facebook
Share on twitter
Share on linkedin
Share on whatsapp
Share on telegram
Canastro Polar
“Canastro Polar” de Miguel Ángel

A Terra móvese, moito: rota, trasládase, precesa, nuta, abala. O máis evidente é o xiro ao redor de si mesma, ao redor dun eixe imaxinario que atravesa ao planeta de norte a sur. A rotación terrestre fai que según pasan as horas diferentes partes da Terra vaian ficando expostas ao Sol. Ou que o Sol pareza percorrer o ceo terrestre. Así ás horas de luz seguen horas de escuridade. E ao día séguelle a noite, aínda que cada vez menos escura. Un día tras outro cada 24 horas, en relación ao Sol; cada 23 horas, 54 minutos e algún segundiño extra, en relación ás estrelas.

Queres sentir como se move a Terra baixo os teus pés? Mira as estrelas preto do horizonte, dunha árbore ou dunha torre. Pasados uns minutos verás que xa non están no mesmo sitio. Sentíchelo? Olla a imaxe. O fotógrafo deixou a súa cámara apuntando 40 minutos á Estrela Polar. O resto de estrelas parece xirar ao seu redor, deixando os característicos ronseis circulares. Ata a polar fai un pequeno xiro. Porque o eixe terrestre só parece apuntar á polar; en realidade a algures preto dela.

A Terra móvese por baixo do canastro de Gontán (Verea, Ourense), ben orientado ao sur. O ceo xira por riba do canastro. Todo se move.

(Esta fotografía está publicada no Ceos Galegos 2018 – Calendario astronómico)

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Cantas estrelas hai no ceo

Somos os primeiros netos da Terra que non saben ver // o Ceo do que viven pola moita luz que prenden? Démoslle volta, irmás! // Saudade, peregrinas de Eolo, velaí vai vello o Camiño // polo ceo, sobre as nubes, no val de Viveiró! (Estíbaliz…Espinosa)

Arde o ceo, pero non queima

Hércules intenta furar a liña que marca a fronteira entre o ceo e a terra. As nubes ameázano para que non o faga. Hai alguén que che impide chegar arriba? (Jorge Mira)

Observar estrelas

Desde onde podo ver as estrelas? Canto hai que non ves a túa galaxia?

Procura

Subscríbete!

Calendario Ceos Galegos 2021

3 comentarios en “O canastro polar”

Os comentarios están pechados.