Unha luz na noite

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Enrique García

Gustamos dos faros. Alumean a noite. Pero deixan ver as estrelas. E permiten orientarse no mar.

Gustamos das estrelas. Vense pola noite. As da imaxe pertencen todas á Vía Láctea, a nosa galaxia. Aparece como esa nebulosa que arrodea ao faro. Seica os pelegrinos empregábana para orientarse e chegar a Compostela. Coitados eles; non vale para iso. Cousas da literatura medieval, boa para a poesía pero mala para a ciencia.

As noites do verán que está a rematar ofrécennos, cara o oeste, unha clara visión do centro galáctico. Porque aí, esa zona da Vía Láctea que corta o horizonte, vaise cara a zona central da nosa galaxia. Unha agrupación de milleiros de millóns de soles que  forman varios brazos de estrelas retortos en forma de espiral. Pero este verán tamén está a ser unha boa época para admirar Xúpiter, o luceiro máis brillante da imaxe. E Saturno, preto do corpo do faro. E Antares, a estrela alaranxada que está por baixo é a dereita de Xúpiter. E o río negro de Rho Ophiuchi, unha  nebulosa escura de po que bloque a luz das estrelas e que vai por riba e Antares deica o xigante gasoso. E moito máis. Porque a observación do ceo nocturno permítenos descubrir a nosa historia, as historias dos nosos antepasados e o noso futuro. O marco da imaxe é semellante á que foi portada da edición #CeosGalegos2019, o noso calendario. Tamén é do mesmo autor, seica gusta da zona. Neste caso cun encadre diferente pero fermoso. Valeuse da cámara Canon EOS 6D e un tempo de exposición de 13 segundos, o xustiño para evitar que se movese o ceo. A apertura de f 2,8 e sensibilidade 4000 ISO, permitiulle tirar 6 imaxes verticais que despois uniu co correspondente programa informático para obter esta fermosura.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

1 comentario en “Unha luz na noite”

Os comentarios están pechados.