Todo o ceo por riba de Sálvora

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Ángel D. R. Arós

Ás veces destino está ao noso carón. O fotógrafo pode programar unha fermosa imaxe da Vía Láctea por riba da illa de Sálvora, montando o equipamento no peirao, realizado varias tomas, preparando o mosaico e velaí está. A Vía Láctea de verán erguéndose case vertical por riba da badía mailo pazo de Sálvora. Á esquerda, como correspondía pola data, o planeta Marte brilla coa súa característica cor laranxa. E tan clara era a noite que a súa imaxe reflíctese claramante nas augas do océano Atlántico.

Pero nos fotogramas coáronse dous meteoros das perseidas, pois a data da imaxe coincidía preto do seu máximo anual, a mediados do mes de agosto. Aí é nada, dous meteoros cazados provenientes da constelación de Perseo, ás costas do autor. E, para rematar a fortuna nocturna, pola parte dereita aparece unha luminescencia de cor verde, ese brillo inapreciable a simple vista que se debe a re-emisión polas moléculas da atmosfera da luz absorbida durante do día. O brillo azulado do faro da illa aporta un fermoso contrapunto de cor no medio, ao contrario que a excesiva contaminación luminosa da península do Grove que aparece pola esquerda.

O autor da imaxe foi premiado no Congreso Estatal de Astronomía celebrado en Cuenca o pasado sábado 3 de novembro, foi primeiro premio do xurado do concurso #PerseidasGalegas18, autor de varias imaxes do “Ceos Galegos 2018 – Calendario Astronómico” e tamén en “Ceos Galegos 2018 – Galician Skies 2018”. Neste último tamén cunha fermosa imaxe do mesmo lugar.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

2 comentarios en “Todo o ceo por riba de Sálvora”

Os comentarios están pechados.