Astronomía Práctica (castelán)

Descripción

“Astronomía Práctica: una guía para astrónomos aficionados” é un excelente manual editado pola Agrupación Astronómica de Madrid para iniciarse na astronomía. En castelán, os seus 23 capítulos abranguen as bases da nosa afección e, incluso, nalgúns temas afondan para os que só están iniciados.

A astronomía é unha ciencia apaixoante. Hai unha ampla gama de obras de divulgación a disposición de todos os que se achegan á mesma. Algúns afeccionados da astronomía senten o aquel de ir un pouco máis alá: converterse en astrónomos amadores e así contemplar cos seus propios ollos as marabillas que contan esas publicacións, camiñar sobre os pasos de figuras históricas coma Galileo e, por que non, aportar o seu pequeno gran de area participando coas súas observacións en proxecto de astronomía profesional.

A Agrupación Astronómica de Madrid reúne a centos de persoas que emprenderon ese camiño ao longo dos últimos 50 anos. Moito cambiaron as posibilidades que teñen os astrónomos amadores en todo ese tempo. Neste volume recóllense boa parte desa experiencia amoreada e actualizada, poñéndoa ao dispor de todos aqueles que se queiran embarcar nesta preciosa afección.

Editor: Jorge Arranz

ISBN: 978-84-09-68736-7

Dep. legal: M-1322-2025