Desde o Vilar

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Enrique García

A Vía Láctea érguese por riba da praia do Vilar nesta madrugada do primeiro día de xuño. O punto máis brillante da imaxe é o xigante gasoso Xúpiter. Da súa posición parece nacer un río escuro cara abaixo e á dereita. Denomínase o río negro de Rho Ofiuchi, unha nube de po escurecedor que impide ver as estrelas que están por detrás. Parece rematar nun punto brillante, a estrela Antares da constelación Escorpión, da que se apreza a súa cor amarelada.

Á outra beira da Vía Láctea está Saturno, o punto brillante que, xunto con Xúpiter, acompañaron a contemplación da nosa galaxia durante todo este verán. En primeiro plano, un posto de vixilancia do equipo de socorristas aporta fondura e contraste á paisaxe.

Pero nesta imaxe nocturna hai moitas máis cores que non son naturais. Ese púrpura do horizonte é provocado polo novo alumeado LED instalado en Aguiño. Nada como meter máis potencia luminosa e unha mala escolla de tipo de alumeado para conseguir o contrario do que se buscaba: maior gasto e contaminación luminosa. Por todo o horizonte queda en evidencia o exceso de enerxía desperdiciado no alumeado público.

A imaxe precisou 3 instantáneas de 8 segundos de exposición cunha sensibilidade ISO 3200, unidas posteriormente para obter unha panorámica máis ampla. Todas foron realizadas coa cámara Sony a7iii do autor.

Por certo, esta imaxe foi candidata para figura na edición #CeosGalegos20 pero non foi escollida. Imaxinade a calidade das seleccionadas.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

A meirande cola do Sistema Solar

A cola máis grande do sistema solar pertence a un planeta. Si. O planeta é Mercurio. Non, Mercurio non é un cometa. Si, é un

Un Sol máis activo

O Sol sempre está activo. Por iso temos a súa luz e calor no noso planeta. Hai veces que está máis activo ca outras. E,

Regalos do ceo, de tres en tres

Efectos atmosféricos que abraian. Os da imaxe, máis alá do arco da vella dobre, poderían ser raios crepusculares. Pero o Sol estaba por tras do fotógrafo. Entón, que son?

Procura

Subscríbete!

Calendario Ceos Galegos 2021

2 comentarios en “Desde o Vilar”

Os comentarios están pechados.