Xuntiños ao solpor

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Fins Eirexas

Os planetas xiran ao redor do Sol no mesmo plano orbital. Chamámoslle plano da eclíptica, porque cando se aliñan os uns cos outros prodúcense as eclipses. Como cada planeta leva unha velocidade diferente, os máis interiores van adiantando aos máis exteriores según pasan os anos. Iso provoca que ás veces aparezan no ceo nocturno varios planetas no mesmo anaco de ceo. A isto chamámolo conxunción planetaria.

Trátase só dun efecto da nosa perspectiva. En aparencia, tal e como os vemos desde a Terra, os astros parecen achegarse moito no ceo, pero na realidade están moi afastados. O vindeiro mes poderemos gozar tralo solpor da conxunción de Venus e Mercurio. E, estes días, antes do amencer temos aliñados a Saturno, Marte e Xúpiter. A ventaxa é que conxuncións e aliñamentos se poden gozar a simple vista.

Tamén podes admirar con toda comodidade esta conxunción de hai un par de anos, con Venus e Marte xuntos preto do horizonte e mergullados na luz zodiacal, esa luz solar esparexida polo po existente no plano da eclíptica. No alto albiscamos as Pléiades e á esquerda a constelación de Orión. Por debaixo hai un castro, o de Baroña. A ámbolos dous extremos as vilas veciñas (Porto do Son, Muros, Ribeira). Imposible non velas. No medio o fotógrafo, que nesta ocasión tirou 3 fotografías para crear a panorámica, cun tempo total de exposición de 90 segundos. Por certo, apareceu nun programa da tele da BBC presentado por Brian Cox (no minuto 3). A imaxe, non o fotógrafo.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Unha Lúa chea que non se ve

Na historia da humanidade saber cando a Lúa era chea foi algo fundamental. Os primeiros calendarios eran lunares, como son aínda o calendario eclesiástico, o

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Procura

Subscríbete!

Ceos Galegos 2023

4 comentarios en “Xuntiños ao solpor”

  1. Na referenza á luz zodiacal fálase de “plano galáctico” cando debería ser “plano eclíptico” ou “plano da eclíptica”.

Os comentarios están pechados.