Camiño de auga baixo as estrelas

Share on facebook
Share on twitter
Share on linkedin
Share on whatsapp
Share on telegram

Créditos da imaxe: José Pérez Solla

Na terra a xeoloxía, no ceo a astronomía. Hai veces nas que o espactáculo da terra complétase co espectáculo do ceo. Así, as augas do río Sil pérdense polas fonduras do canón que afasta as provincias de Ourense e Lugo, unha formación xeolóxica cunhas orixes que se remontan ao Cretácico, hai 200 millóns de anos. O camiño terrestre que o río foi creando por erosión parece prolongarse no ceo co camiño celeste das estrelas. Máis a paisaxe celeste apenas mudou desde que os dinosaurios habitaban este recuncho terrestre.

Na medio, cruzando directamente coas montañas, esa parte da Vía Láctea coincide coa constelación de Saxitario.

A mediados do pasado mes de agosto, un tempo de exposición para a imaxe de 20 segundos e unha sensibilidade de ISO 2000 foron abondos para encher a toma de estrelas por riba dos concellos de Castro Caldelas e A Teixeira (á esquerda, na provincia de Ourense) e Sober (á dereita, na provincia de Lugo), co embarcadoiro de Doade en primeiro plano. Entre elas destaca o planeta Marte á esquerda, o punto máis brillante do ceo. E tamén aparece Saturno entre varias estrelas preto do horizonte.

Aproveita estas noites despexadas de comezos do inverno para mirar ao ceo. Un espectáculo de balde e agora con constelacións bastante diferentes.

Podes votar imaxes parecidas a esta no noso concurso para escoller a mellor imaxe do ano do ceo galego.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

A meirande cola do Sistema Solar

A cola máis grande do sistema solar pertence a un planeta. Si. O planeta é Mercurio. Non, Mercurio non é un cometa. Si, é un

Un Sol máis activo

O Sol sempre está activo. Por iso temos a súa luz e calor no noso planeta. Hai veces que está máis activo ca outras. E,

Regalos do ceo, de tres en tres

Efectos atmosféricos que abraian. Os da imaxe, máis alá do arco da vella dobre, poderían ser raios crepusculares. Pero o Sol estaba por tras do fotógrafo. Entón, que son?

Procura

Subscríbete!

Calendario Ceos Galegos 2021

1 comentario en “Camiño de auga baixo as estrelas”

Os comentarios están pechados.